TAGBILARAN CITY - Bisan di pa hingpit nga nahipos o nasikop ang presensiya sa mga nahibilin nga miyembro sa bandidong grupo sa Abu Sayaff sa probinsiya sa Bohol, wa kini nahimong babag sa malampuson nga pagpahigayon sa Saulog Tagbilaran 2017 niadtong Mayo 1 atol sa kapistahan sa dakbayan sa Tagbilaran.
Usa kini ka tinuig nga kalihokan sa dakbayan sa Tagbilaran nga nagsugod niadtong 2013 diin nagpakita sa kon unsa ang anaa sa dakbayan nga angayan nga isaulog lakip na niini ang pagdayeg ug pagpasalamat sa patron sa dakbayan nga mao si Snr. San Jose.
Adunay nagkalain-laing kalihokan nga gihimo ang dakbayan alang sa Saulog Tagbilaran alang sa tanan.
Lakip niini ang Fluvial Procession, mga sports ug entertainment activities, Mutya sa Tagbilaran, Steetdancing Competition ug ang Kumbira sa Tagbilaran.(LTB)