SAN ISIDRO, BOHOL- Nakaangkon og angol sa kalawasan ang duha ka lola human kini kalit nga miambak sa gisakyan nga PNP patrol car sa lungsod sa San Isidro niadtong miaging Huwebes sa Barangay Poblacion, sa nahisgutang lungsod.
Ang duha ka lola nga biktima giilang sila si Flora Libaton, 63 ug Narcisa Gumanid, 64, nga samang residente sa Barangay Poblacion, San Isidro, Bohol.
Sa pakisusi sa kapulisan, nasayran nga gikan sa merkado sa lungsod ang duha ka biktima ug paingon nang mopauli, nalabyan sa Patrol Car ug gipasakay sa pulis kay sama ra usab ang direksyon nga padulngan didto sa Barangay Kauswagan.
Pag-abot sa barangay, mipara ang duha ka biktima sa eskina diin adto ra sila magpahunong.
Apan milapas ang ilang gisakyan ug miabot kini ngadto sa boundary sa nagsunod na usab nga barangay.
Gumikan sa pagkatarantar sa duha, kalit nangambak hinungan nga naangol.