TAGBILARAN CITY, BOHOL - Mas paspas ug dali nga biyahe ang gidalit karon sa usa ka kompanya sa ayroplano nga makapatugpa usab sa dagat nga mao ang Air Juan. Sud lang sa 20 minutos moabot na ang mga pasahero sa Sugbo sa labing dali nga oras gamit ang Cessna nga seaplane configuration.
Ang Tagbilaran-Cebu nga destinasyon adunay duha ka skedyul sa lupad matag adlaw diin opisyal kini nga buksan karong umaabot nga Hunyo 19, 2017.
Maayong balita kini ilabina adto mga pasahero nga mga negosyante ug turista nga adunay apson nga mga trabaho o kaha sa mga flight sa Sugbo. Ang ayroplano adunay siyam ka mga lingkuran alang sa mga pasahero diin makabitbit usab og libre nga 10 ka kilo nga cargo matag pasahero. /LTB