GITUOHANG gilungkab ug gisunog ang usa ka panimalay niadtong Huwebes sa gabii sa Ramos street, Regency Subdivision, Iponan, dakbayan sa Cagayan de Oro.
Dali nga natabang ang panimalay nga gipanag-iyahan ni Joy Calao.
Sa nahipos nga impormasiyon gikan sa kapulisan sa Police Station Central Visayas (PS7) sa Bulua, giingong girespondehan sa Bulua Fire Station ug sa tinugyanan sa ilang buhatan ang natigayong insidente.
Nasayran nga nagsumikad ang kalayo sa sulod sa guest room sa balay hinungdan nga gitutokan karon ang anggulo nga gituyo kini sa pagsunog.
Gidugang pa nga dako ang posibilidad nga tinuyoan ang sunog gumikan kay abay lamang sa bintana nga gipangputol ang mga grills ang natigayong sunog.
Gikasubo kini sa biktima kay wala’y mga respeto ang mihimo sa ingon nga unta kung mangawat, mangawat lang ug dili na mangsunog kay aron nga dili na makadamay pa og laing mga kabtangan.
Sa pagkakaron, padayon pa ang imbestigasiyon kalabot na sa maong panghitabo.