MING-AGI og pagpanghudlat ang Gilas Pilipinas una nila napukan ang host Chinese Taipei Team B, 93-82, aron irehistro ang ilang ikaduhang sunodsunod nga kadaugan sa 39th Jones Cup sa Taipei Heping Gymnasium sa Taiwan.
Human sa ilang paglampornas sa Chinese Taipei Team A, 88-72, niadtong Dominggo sa gabii, ang Gilas Pilipinas, ning higayuna, nagpakita og dili maayong duwa nga tatawng resulta sa sunodsunod nga mga duwa.
Milanat lang og 17 ka mga oras ang gintang sa pagpakigduwa sa Gilas Pilipinas batok sa duha ka teams sa host nga nasod.
Sa nahabiling kapin sa 6:00 ka mga minutos, ang mas batan-ong puwetsa sa Chinese-Taepei Team B padayong nagdikit sa mga Pinoy, 75-77.
Human niini, ang Gilas Pilipinas – sa pagpangulo sa Sugbuanong si Roger Pogoy – nakamugna og 11-2 run aron inaton ang ilang labaw ngadto sa 88-77 sa nahabiling 2:10 minutos.
Ang Gilas, nga nabunyagan og 77-90 nga kapildihan batok sa Canada, naghupot na og 2-1 nga rekord ug adunay pa’y buhing paglaom alang sa inilugay sa kampiyunato.
Ang Gilas nakigbahin sa Lithuania ug Iraq sa ikaduhang luna sunod sa league-leader nga Canada, nga adunay 3-0 nga rekord.
Batok sa mas inilog nga Chinese Taipei Team A, ang Gilas Pilipinas nangigo sa gawas ug nagpakita og wala’y paglubad nga duwa.
Ang Gilas, kansang tanang mga magduduwa nag-edad og ubos sa 26 gawas lang kang Fil-German Christian Standhardinger, igo ra sab nakamugna og 11 ka turnovers ning duwaa, katunga ra sa ilang nahimo batok sa Canada.
Si Matthew Wright maoy midagkot sa kainit sa Gilas pinaagi sa pagpauwan og three-point bombs unya sila si Kiefer Ravena, Jio Jalalon ug Standhardinger mao ang ningtiwas sa trabaho alang sa Gilas.
Ang Chinese Taipei Team A aduna pa’y ubay-ubay nga nagpabiling mga magduduwa gikan sa ilang puwersa nga ningpakaging sa Gilas sa katapusang panagharong sa duha ka mga kampo niadtong 2013 Fiba Asia championship sa Manila.
“I told the players that this will be an unbelievable environment playing against Taipei before its home crowd,” asoy ni Gilas coach Chot Reyes sa interbyu sa Spin.ph.
“It’s their first time, but to embrace this situation and figure out a way to thrive in that environment is great. For their age and level of experience, I thought they did an admirable job of that.”
Karong adlawa, ang Gilas makigbatok sa Japan.