Kapitana, 11 ka kauban sikop

SIKOP ang barangay kapitan ug laing 11 ka mga tawo atol sa pagtunol sa search warrant mga alas 2:45 sa kaadlawon Sabado, Abril 21, sa Zone-3, Barangay Kinawe, Libona, Bukidnon.

Atol usab sa pag-serve sa search warrant, niresulta sa engkwento tali sa tropa sa otoridad ug armadong grupo.

Kasamtangang anaa sa Criminal Investigation and Detection Group (CIDG) si Barangay Kapitan Cherry Barros lakip na ang 11 ka laing mga dinakpan kinsa anaa sa maong dapit atol sa hitabo.

Samtang naka-ikyas ang bana ni Cherry nga si Tarcisio Barros kinsa kanhi kapitan sa barangay.

Sa impormasyon, nasayran nga nagpahigayon ang mga otoridad og joint-operation pinaagi na usab sa CIDG, RFU-Northern Mindanao, 4MIB, SAF, Task Force Oro, 4th Infantry Division (ID) ug Libona Municipal Police Station ug gitunol ang unom ka mga search warrant batok sa magtiayon.

“It was a joint-law enforcement operation, ang mga joint operation sa karon sa PNP kada operation joint na gyud na, ang CIDG ang may hawak sa unom ka search warrant of arrest against aning Kapitan nga si Cherry Barros ug Tarcisio Barros,” pahayag ni 2nd Lt. Tere Ingente, tigpamaba sa 4th ID.

Gibutyag ni Superintendent Melgar Devaras, deputy regional chief sa CIDG, nga sa pagsulod pa lang nila sa maong dapit kalit lang sila nga gipa-ulanan og bala hinungdan na usab sa natigayong engkwentro diin halos dul-an sa usa ka oras.

“Pagdating namin nag attempt pa kaming kumatok, kumatok talaga kami and then ‘yun na nakarinig na kami nang sunod-sunod na burst of fire, nag exchange of fire na, yun na ang nangayri, naglast nang more than 30 minutes siguro,” pahayag Devaras.

Sa inisyal nga mga nakuha gikan sa maong panimalay ang ubay-ubay ka mga high powered nga armas sama sa upat ka shotgun, duha ka carbine rifle, usa ka machine gun, duha ka caliber .45, isa ka caliber .38, isa ka caliber 40, M2A, fragmentation sa mga Granada ug uban pa.

3 sundalo samdan

Samtang tulo ka mga sundalo ang naangol atol sa engkwentro apan luwas na sa pagsulat ning balita.

Ang mga samaran nga sundalo membro sa Task Force Oro ug gi-atiman na sa mga kasundalohan sa 4th ID, Camp Evangelista samtang ang usa niini ang anaa usab sa usa sa mga tambalanan dinhi sa dakbayan.

Sa pakighinabi sa SunStar SuperBalita kang Ingente, nagpasalamat kini gumikan kay luwas na ang samarang mga sundalo.

“As for initial report, gunshot wounds ni sila, ang usa ani sa right, tuo nga tiil tapos ang isa sa tuo nag ulo, ang usa sa wala nga dughan pero kani sila tanan is stable na, ang duha ani naa sa Camp Evangelista Station hospital, ang isa naa sa tambalan gawas sa kampo,” pahayag ni Ingente.

Gibutyag usab ni Devaras nga gipusil sa posibleng naka-ikyas ang maong mga sundalo samtang gipahapa na kini ug gipatahan.

“Nung nasa harap nila yung dalawang tao tinutokan nila tapos pina-surrender nung akmang dumapa yung dalawa, ang pagka-sense ng tropa natin na susuko pero ang pagkadapa pala sabay dampot pala nang armalite, M16 sabay pinaputok sa kanila kaya tinamaan ang ating kasama,” pahayag ni Devaras sa interbyu sa usa ka sibayaan sa radyo.

Karong panahona, padayon pa ang imbestigasiyon sa tinugyanan sa CIDG.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph