KANHI batabata ni anhing Jeffrey Diaz alyas Jaguar ang giilang labing dako nga drug lord sa Central Visayas apan napatay sa mga pulis niadtong 2016 ang nakalingkawas sa gihimong anti-drug operation sa mga sakop sa drug enforcement unit sa Cebu City Police Office (CCPO_sa miaging adlaw.
Ang target sa mga operatiba sa Drug Enforcement Unit sa CCPO mao si Jessie Butalid alyas Siboy, 22, taga sitio Seaside, Barangay Duljo Fatima sa siyudad sa Sugbo human sila makadawat sa kasayuran nga namaligya kini og drugas.
Atol sa buy-bust operation, nakabantay nga pulis ang gikasabot ug daling niambak sa luyo sa balay ug nakaikyas.
Nakuha hinuon sa mga pulis ang walo ka pakete sa shabu nga motimbang ug 5.48 gramos ug mobalor og kapin sa P64,000.
Samtang, duha ka lalake nga naatlan nga namaligya og ga drugas sa overpass sa Natalio Bacalso Avenue sa niadtong Biyernes sa kaadlawon.
Ang mga nangadakpan mao silang James Karl Sacedon, 20, Duljo Fatima ug Noel Oltiano, 45, taga Barangay Quiot.
Nakuha sa ilang posisyon ang duha ka mga dagkong pakete sa gituohang shabu nga mobalor ang tanan og P365,000. (AYB)