NAKAMUGNA man tuod og world record si Golden State Warriors superstar Kevin Durant sa India apan iyang giangkon nga molanat pa og dugay una malabwan sa basketball ang kabantugan sa cricket sa maong nasod.
Matod ni Durant nga aron mas hangupon pa sa ilang katawhan ang basketball, ang India nagkinahanglang makadiskubre og sama ni Yao Ming sa China, kinsa misikat sa NBA.
Si Durant mibisita sa India alang sa usa ka basketball training session nga gitambungan og 3,459 ka mga bata nga mapatik Guinness Book of Records isip basketball training session nga nakadani og labing daghang mga partisipante. (AFP)