Jones mikulata ni Cormier sa ilang UFC world title fight

BRUTAL nga gikulata ni Jon “Bone” Jones ang iyang karibal nga si Daniel Cormier aron dag-on ang world light heavyweight title kagahapon sa main event sa UFC 214 sa Anaheim, California.

Si Jones, kinsa usa sa labing maayong light-heavyweight fighters sa tanang panahon, pasensyuso sa nag-unang duha ka rounds ug tataw nga naghuwat lang kini og saktong higayon.

Sa 3rd round miabot ang gihuwat ni Jones ug nakapasulod kini’g wa nga patid sa ulo nga maoy nagpabarag kang Cormier.

Wala’y giusik nga panahon si Jones ug iyang gitumba si Cormier pinaagi sa patid sa lawas unya human niini, gitiwasan ni Jones pagkastigo si Cormier pinaagi sa ground-and-pound.

Giundang sa referee ang away sa ika-3:01 minutos sa 3rd round.

“It’s unbelievable, man, it’s a surreal moment,” asoy ni Jones, kinsa misaka sa 23-1 nga rekord.

Ang emosyunal nga si Cor­mier, kinsa nahagsa sa 19-2 nga rekord, wala nakapugong sa pag-agas sa iyang luha.

“I don’t even know what happened,” matod niya. (AFP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph