NAPUTOL ang kalipay sa duha ka mga tiguwang bayot uban sa ilang tagsa-tagsa ka mga partner nga batan-on human sila gipusasan sa mga pulis kinsa nakasakop kanila nga naghimog malaw-ay kagahapon sa kaadlawon sa Sta. Lucia, Barangay Poblacion Oriental, lungsod sa Consolacion.
Si Serge (di tinuod ngalan), 72, minyo ug usa ka mahuyang taga Maribago dakbayan sa Lapulapu, gipusasan uban sa iyang partner nga si Gil (ngan gipugngan), 18, taga Tugbongan Consolacion.
Si Chief Insp.Gerard Ace Pelare, hepe sa Consolacion Police nga nahinabi sa Superbalita Cebu nagkanayon nga nadakpan nila and mga suspetsado mga alas 12:15 kagahapon sa kaadlawon.
Sunod nilang nadakpan mga alas 12:35 sa kaadlawon pipila ka metros ang gilay-on ang kauban sa mga suspek nga sila si Elme, 52, usa ka mahuyang ug taga Canyon road, Brgy. Lahug dakbayan sa Sugbu uban sa partner niini nga si Abbie, 19 taga Brgy. Cansaga Consolacion.
Matod ni Pelare, ang duha ka mga Tiguwang mahuyang pulos mga negosyante nga anha sa maong dapit mosuroy alang sa ilang lawasnong kalipay.
Gibutyag niini nga daghan reklamo nga ilang nadawat sa mga residente sa dapit nga ang maong lugar nga open space sagad estambayan dunay daghang mag-jogging gihimong lugar nga maghimog malaw-ay.
Sumala pa niini nga dugay na kining maong problema gani naabot na kini sa buhatan sa Mayor ang reklamo sa mga residente.
Isip kabahin sa Oplan Limpiyo Lacion gihimoan og aksyon sa kapulisan diin naabtan sa mga sakop sa Consolacion Police ang gihimo sa mga dinakpan. (GPL)