NASAPON nga nagsuyop ang duha ka mga dalaga sulod sa usa ka lodging house sa 2nd/21st street, dakbayan sa Cagayan de Oro.
Naila ang mga dinakpan nga sila si Rewelyn, 39, dalaga ug residente sa Barangay 35 ning siyudad ug Nelda, 35, dalaga nga taga Barangay Balulang ning siyudad.
Sa nahipos nga impormasiyon gikan sa kapolisan sa Police Station Northern Mindanao (PS10) sa Cugman, nasayran nga usa ka anti-illegal drug operation sa pagpangulo ni Police Chief Inspector Ian Borinaga ang gipahigayon hinungdan sa pagkasikop sa duha ka babaye.
Nasayran nga naaktohan sa mga otoridad ang duha nga nagsuyop sa mismong lawak sa lodging house. Nakuha gikan sa mga suspek ang nagkadaiyang drug paraphernalia.
Karong mga panahona kasamtangang anaa na sa mini-cell sa PS10 ang nahisgutang mga suspek.