18 nadakpan sa illegal gambling operation

SUNOD-SUNOD ang operasyon nga gihimo sa mga police station sa Misamis Oriental Provincial Police Office diin ubay-ubay ka mga tao ang nadakpan sa illegal gambling operation niadtong pagtapos sa semana sa nagkadaiyang dapit sa probinsya.

Unang operasyon gilusad sa El Salvador Police Station sa pagpangulo ni Police Superintendent Randy Anito diin ilang nasapon sa akto ang unom ka tao nga giingong kwartahay nga nagtong-its.

Giila ang mga dinakpan nga mao sila si Arlene Tuazon, 39; Aiza Mae Jordan, 23; Gizelle Osip, 20; Vicente Augusto, 40; Aurelio Osip, 30; ug Diosdado Imbal.

Nakuha sa ilang mga posisyon ang mga baraha lakip ang kwarta nga gitouhang ilang gisugal.

Ikaduhang operasyon gihimo sa Tagoloan Police Station sa pagpangulo ni Police Chief Inspector Albart Tare nga miresulta sa pagkasikop sa upat nga giilang sila si Vanessa Tutor, 34; Michelle Ejem, 25; Rey Nabong, 40, ug Elizaldy Burias, 39, pulos residente sa Poblacion lungsod sa Tagoloan.

Ang mga dinakpan nakuhaan og mga gamit sa pasugal sama sa mahjong ug mga bet money.

Milampos usab ang operasyon sa Opol Police Station sa pagpangulo ni Police Senior Inspector Dennis Flores diha sa Barra, lungsod sa Opol.

Sa maong operasyon sapon sa aktong nagtong-its sila si Arvel Legazpi, 54; Nelia Jayme, 37; Marichu Buenavista. Gawas sa baraha, nakuha sab sa ilang posisyon ang ilang mga bet money.

Laing operasyon gipahigayon sa Jasaan Police Station sa pagpangulo ni Police Chief Inspector Rogelio Labor diin upat ang nasapong nga nag mahjong sa Barangay Kimaya, Misamis Oriental.

Giila ang mga dinakpan nga mao sila si Susan Fabon, 53; Jay Christopher Castaneda, 28; Ronald Ipulan; 34, ug John Mark Amora, 27, residente sa dapit kinsa pulos sapon sa akto nga nag majong ug nakumpiska ang bet money moabot sa P650.

Ang Talisayan Police Station pagpangulo sab ni Police Senior Inspector Renz Serrano, milusad og operasyon batok patay sa illegal nga swertres nga miresulta sa pagkasikop ni Holdin Bagolbol, 47, taga Barangay Calamcam sa susamang lungsod.

Nakuha gikan niini ang mga tally sheet ug mga gipataya nga kwarta.

Kamandoan ni Police Senior Superintednent Rolando Destura kinsa Provincial Director sa MisOr PPO nga dakpon ang tanan nga magpahigayon og sugal tungod kay laraw niining mahimong gambling free ang probinsya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph