PADAYONG gi-obserbahan sa mga mananambal ang usa ka batan-on human giluba sa wala maila nga suspetsado samtang anaa sulod sa internetan niadtong Dominggo sa gabii sa Tabaco, Agora, dakbayan sa Cagayan de Oro.
Samad sa kuto-kuto ug dughan ang naangkon ni June (dili tinuod nga ngalan), 17 ug residente sa nahisgutang dapit.
Sa nahipos nga impormasiyon gikan sa Northern Mindanao Medical Center (NMMC) ning dakbayan, gikabutyag nga nagdula lang sa internet shop ang biktima sa dihang gisudlan sa wala maila nga suspek ug gidunggab.
Dali kining gidala sa NMMC human nga nagkadugo tungod sa naangkon nga mga samad diha sa iyang mismong dughan ug lakip na sa kuto-kuto.
Sa pagkakaron, padayon pa nga gi-obserbahan sa mga mananambal ang biktima samtang gawasnon pa ang suspetsado.