NAKADAWAT sa pasiunang “biyaya” ang mga beneficiaries sa programang “Biyaya ng Pagbabago Tungo sa Masagana at Matiwasay na Buhay Pilipino” atol sa opisyal nga paglunsar sa maong programa dinhi sa sugbo nga gipahigayon sa Cebu Technological University dili pa lang dugay.
Ang Biyaya ng Pagbabago Tungo sa Masagana at Matiwasay na Buhay Pilipino usa ka programa nga naglayon sa pagpadoul sa mga pilipino sa nakadaiyang programa sa national government nga adunay kawsa sa pagpakunhod sa hilabihang kakabos sa katawhan.
Ang maong programa bunga sa pagpaninguha sa Office of the Cabinet Secretary pinanguluhan ni Cabinet Secretary Leoncio “Jun” Evasco ubos sa pakigtambayayong sa Kilusang Pagbabago movement.
Pipila ka mga serbisyong nadawat karon sa mga benipisyaryo mao ang libreng Dental sa Department of Health, libreng seedlings sa Department of Agriculture ug Cacao plant sa Department of Environment and Natural Resources ug uban pa.
Adunay 21 ka mga ahensya sa gobyerno ang misalmot ug mihatag sa ilang serbisyo, ang Department of Agriculture (DA), Bureau of Fisheries and Aquatic Resources (BFAR), Philippine Statistics Authority (PSA), Department of Interior and Local Government (DILG), Philippine Coconut Authority (PCA), Department of Trade and Industry (DTI), Department of Environment and Natural Resources (DENR), Cooperative Development Authority (CDA), National Food Authority (NFA), Philippine Information Agency (PIA), Department of Health(DOH), Department of Agrarian Reform (DAR), Department of Social Welfare and Development (DSWD), Social Security System(SSS), TESDA, Housing Agencies, Department of Labor and Employment (DOLE), National Irrigation Administration (NIA), Philippine Comission on Women, Department of Tourism (DOT) ug 8888 Presidential Complaints.
Gipahigayon usab sa maong kalihokan ang Oath of Commitment sa mga ningsalmot nga government agencies.
Sa kinatibuk-an, adunay gibana-bana nga 5,200 ka tawo ang misalmot sa maong kalihokan, 2,300 gikan sa dakbayan sa Lapu-lapu, 1,010 gikan sa Cebu City South district, 1000 gikan sa north ug 890 gikan sa nagdaiyang probinsya sa Sugbo. (Nova Leah Carbon Cnu Intern)