Tambagi ko Noy Kulas: Ubos

Dear Noy Kulas,

Tagoa lang ko sa ngan nga Noel. Minyo ko ug dunay mga anak. Ang akong asawa nagtrabaho sa abroad while ako napugos og undang sa trabaho aron makaatiman sa mga bata. Pagbuot ni sa akong asawa ug niuyon ra ko for the sake sa among mga anak. Pero kining among decision mao ang nakaingon sa bati nga mga estorya.

Nagpalakaw og tabi ang pamilya sa akong asawa nga nagpabuhi ra kuno ko ug tapulan kay ang akong asawa ra ang nanginabuhi. Wa kuno koy ayo. Nganong wa man koy ayo nga sa balay ako man ang ‘inatay.?’ Ako ang mangluto, manglaba ug uban pa. Ako pud ang nag budget sa amoa. Naa pa gani savings kay nagdaginot ko ug aron naa koy ikapakita sa akong asawa kon mouli na siya.

Nagpakatap pag estorya nga naa kuno koy kabit nga gikabuangan. Wa pa motuo ang akong misis ani nga mga tabi. Pero worried ko kay basin madugayan motuo ug magubot na hinuon mi. Unsa man kahay maayo nakong buhaton? Please tambagi ko.

NOEL

Noel,

Constant communication tali nimo ug sa imong asawa ang bugtong solution niini. Kay once mausab na gani ang pattern sa communication, dinhi na magsugod ang mga pagduda, distrust. Kay sa sitwasyon nga dunay third party, ang communication maoy sagad unang mo suffer. Mao ni ang sagad unang mausab. Kay mo dry na man ang tinagdan sa usa ka party kay naa na may laing gikalingawan.

Ikaduha, i strengthen pag maayo ang bond nimo ug sa mga bata. Kana maoy dakong proof nga ang mga tabi nga pagpanaut nimo di tinuod. Makasaksi ang mga bata niana. Sila usab ang makatestigos pabor nimo nga ang mga pagpanaut batok nimo way basehanan, puro ra estorya. Suroy, mangaon ug uban pang activities uban kanila dako kaayog ikatabang.

Lastly, ayaw patoli ang mga estorya nga bisan unsa. Wa may mawala kanimo pero sa ilaha, medyo dako jud. Sila ang nakuhaan, nadaut, di ikaw. Iampo sila aron mausab

NOY KULAS

(Alang sa imong problema, e-mail sa kulassuper@sunstar.com.ph)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph