MUNASGINHAWANG mingdaog ang Cebu Executives and Professionals Chess Association (CEPCA) batok sa Mactan Island Chess and Scrabble Association (MICSA), 21-20, sa ilang 21-board goodwill match niadtong Dominggo sa Super Metro sa Lapulapu City.
Human sa duha ka rounds, ang mga nakamugna og 2-0 nga kadaugan alang sa CEPCA mao sila si Reynaldo Flores batok kang Justine Flint, Ruel Nuttal batok Tommy Tampus, Norman Olayvar batok Alkin Codilla, Jun Kidlat batok Jovannie Corro, ug Ruel Hortelano batok Jerom Moncopa.
Nakahatag og 1.5-0.5 nga kadaugan alang sa CEPCA mao sila si Martin Kwan batok Richard Gohetia Sr., Ronald Arnado batok Arnold Amaba, ug Maggie Dionson batok Lando Torres.
Ang mga sakop CEPCA nga nakatabla (1-1) sa ilang kontra mao sila si CEPCA president Engr. Jerry Maratas vs. Galileo Roma, Peterson Sia batok Kraig Quinain, Jonathan Canque batok Albert Rivera, Mandy Baria vs James Abrantes, Richard Ouano vs Wynard Labastida, Mike Calimlim vs. Judy Tamala ug John Velarde vs. Diomedes Gelloano.
Nasugamak sa 0.5-1.5 nga kapildihan mao si Venz Dela Torre batok Amay Igot.
Samtang ang mga nasugamak sa 2-0 nga kapildihan sa habig sa CEPCA mao sila si Zelberstein Torres batok Raymund Abellana, Jojo Muralla batok Ruben Ngujo, Mer Fernandez batok Tsade Codilla, Solon Bagalihog batok Ariel Cuizon, ug Darian Vales batok Adelyn Bensi.
Ang kalihukan gisuportahan sa Lapulapu City pinangulohan ni Mayor Paz Radaza ug sa Super Metro Lapulapu. (ESL)