GITINGUHANG ipahigayon sa kapulisan sa dakbayan sa Mandaue ang peace covenant signing tali sa mga kandidato sa umaabot barangay ug Sangguniang Kabataan (SK) Elections.
Kini aron masiguro ang malampuson ug malinawng piniliay karong Mayo 14.
Gikatakdang himuon ang peace covenant signing sa dakbayan sa unang semana sa Mayo sunod buwan.
Kagahapon sa buntag, ang Mandaue City Police Office (MCPO) nakigtagbo uban sa mga respresentante gikan sa Armed Forces of the Philippines ug Mandaue City Election Office Atty. Edwin Cadungog alang sa pagplansta sa seguridad ug kalinaw atol sa piniliay.
Dugang niya, bisan malinawon ang Mandaue apan maayong andam. (JPP)