USA ka 15-anyos nga gituohang miyembro sa rebeldeng New People's Army (NPA) ang napatay sa padayong engkuwentro tali kasundalohan sa lugar.
Kini ang unod sa press release nga gipagula sa Eastern Mindanao Command diin nasuta nga usa ka 15-anyos ang usa sa mga napatay subay sa proseso nga gihimo sa Scene of the Crime Operations (Soco) ug Municipal Social Welfare Office (MSWO) sa Sta. Cruz, Davao del Sur ug sa militar.
Si Lieutenant Colonel Rhojun Rosales, Commander sa 39th Infantry Battalion, Philippine Army, nag-ila sa namatay nga si Rondi Ondo, 15, nagpuyo sa Sitio Tombo, Barangay Old Bulatukan, Makilala, North Cotabato.
Ang lawas sa 15-anyos, kinsa nakuhaan og M16 rifle ug nakasuot og itom nga uniporme sa NPA, giila sa iyang inahan nga si Marissa Ondo sa usa ka punerarya sa Sta Cruz.
"We condemn this practice in strongest term and challenge the NPA Terrorists to spare them," ang pagkondena ni Lt Gen. Benjamin Madrigal Jr., commander sa Eastmincom. (JPC)