SECTIONS
Monday , May 21, 2018
SUPERBALITA CEBU

Papa midunggab sa misis, 2 ka anak, ugangan

PANGABUBHO nagtukmod sa 39-anyos nga amahan sa pagdunggab sa iyang misis, duha ka mga anak lakip na ang iyang father-in-law.

Kasong frustrated parricide ug frustrated homicide maoy gi-atubang ni Desiderio Revilla, way trabaho nga taga-Sityo Kabatuan, barangay Pajac, Lapu-Lapu City.

Wa makapanagang ang mga biktima nga maayong pagkahinanok kagahapon sa kadlawon sa dihang gitagsa-tagsa og dunggab sa ilang gi-ila nga padre de pamilya gamit ang kitchen knife.

Matod pa sa hepe sa Police Station 2, PCI. Wayne Magbanua nga dili grabe ang mga samad nga nahi-aguman nila ni Maxima Revilla, 33 ug mga anak niini nga sila si Joy, 14 ug Jenny 11.

Nakahigayon pa og pangayo og panabang ang mga biktima hinungdan nga nakamata ang amahan ni Maxima nga si Rufino Casayas ug dali nga mitabang sa iyang anak ug mga apo.

Gilakip sa pagdunggab si Casayas, ang mga biktima kasamtangang gidala sa Vicente Sotto Memorial Medical Center.

Samtang, si Desiderio nasikop sa first responder sa Station 2 kinsa gihulagway nga wa sa maayong panghuna-huna. (FVQ)


VIEW COMMENTS