Bana sa kapitana mitahan

NITAHAN sa mga otoridad ang kanhi kapitan human sa pipila ka mga adlaw nga pagtago-tago sa mayor sa Libona mga alas 9:10 sa buntag Martes, Abril 24, sa Poblacion Libona, Bukidnon.

Naila ang suspek nga si Tarcisio Barros, kanhi kapitan human nga nakasibat atol sa pagtunol sa unom ka mga search warrant sa ilang panimalay sa kapikas nga si Cherry Barros ang kasamtangang kapitana sa maong barangay.

Naila usab ang laing mga dinakpan nga sila si:

- Jenny Cris Quiñones Balucan

- Jennifer Alegarme Bartolaba

- Arlene Valeriano,Merlie Flores

- Marializa Oonce,Renee Fe

- Marje Yap Dontar

- Jon Eric Medina

- Peter Gore Jr.

- Jonie Baguio Quilicot alyas “Bag-bug”

- Melito Opiña Maning

- Nicasio Baguio Ponce

- Michael Barros Daomar

- Zosimo Bation

- Monry Villanueva

- Joseph Padayhag

- Juniel Dontar

- Solomon Flores.

Nasayran nga mokabat na sa upat ka mga adlaw nga nagtago-tago ang suspek human nakasibat atol sa natigayong insidente diin aduna pa'y panag-engkwentro nga gikaangol sa tulo ka mga sundalo nga sila si Corporal (Cpl.) Daniel Manatad, Cpl. Rafael Salido ug Cpl. Fernando Dumpa.

Sa nahipos nga impormasiyon gikabutyag nga boluntaryo nga mitahan kay Mayor Leonardo Genesis Calingasan sa maong dapit si Barros ug gi-ubanan usab sa gobernador sa probinsiya sa Bukidnon nga si Jose Ma. Zubiri, Jr. gumikan na usab sa bahad ug hulga sa iyang kinabuhi.

Giingong personal matud pa kini nga nihangyo nga matabangan sa iyang pagtahan. Gidugang pa nga nahadlok lang matud pa kini atol sa insidente.

Nasayran nga nagpahigayon ang mga otoridad og joint-operation pinaagi na usab sa Criminal Investigation and Detection Group (CIDG), RFU-Northern Mindanao, 4MIB, SAF,NICA 10, Task Force Oro,4th ID ,EOD Misamis Oriental ug Libona Municipal Police Station ug gitunol ang maong unom ka mga search warrant nga aduna’y numero nga 216-2018-221-2018 batok sa magti-ayon nga Barros.

Nakuha gikan sa posisyon ug sa panimalay sa maong mga suspek mao ang mga mosunod:

- 1 shotgun

- 1 Cal 30 spring field rifle

- 2 carbine

- 1 Thompson Sub Machine gun

- 5 kalibre 45 nga pistola

- 1 kalibre.38 revolver

- 1 kalibre.40 nga pistol

- 2 M2K fragmentation grenade

- 3 rifle grenade

- 1 link sa K3 Machine gun

- 2 botelya sa ANFO

- 3 improvised blasting cap with time fuse

- 5 shock tube, electric blasting cap

- 1 silencer ug assorted magazine lakip na mga bala

Karong panahona anaa na sa tinugyanan sa CIDG ang maong suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph