USA lamang ka semana nga operasyon ang mokabat ngadto sa 95 ka mga operasyon sulod sa usa ka semana ang nahimo sa kapulisan sa Misamis Oriental Provincial Police Office.
Kini sa hugtanon nga pagpatuman sa pagsilbi sa mga warrant of arrest batok mga wanted person, mga nalambigit sa ginadili nga druga, nakasupak sa Commission on Elections (Comelec) gun ban ug mga padayon sa paghimo sa illegal nga sugal.
Mokabat sa 95 ka mga operasyon ang natala diin 68 niini ang naaresto ug 10 ang pulos mga wanted person sa provincial ug municipal level samtang usa niini usa ka high-value target.
Moabot sab sa 38 ka mga illegal gambling operation ang nahimo duha niini illegal logging ug usa ang nasikop nakasupak sa Comelec gun ban samtang 5 ang drug operations nga nahimo.
Kamandoan kini ni Police Senior Superintendent Rolando Destura, ang Provincial Director sa MisOr PPO ngadto sa tanan police station ug unit nga wagtangon ang ginadili nga druga, madakpan ang adunay mga warrant of arrest, mahimong illegal gambling free ang probinsya sa Misamis Oriental. (SVB)