Adik sa Barangay 23 ‘asset’ sa PDEA

NITUMAW ang taho nga asset sa Philippines Drug Enforcement Agency (PDEA) ang giingong nalambigit sa ilegal nga druga sa Barangay 23, dakbayan sa Cagayan de Oro.

Kini basi sa nakuha nga taho ni Kapitan Jaime Frias, sa Barangay 23 nga buot niyang maklaro.

Lakip ang Barangay 23 sa lima ka mga barangay sa Cagayan de Oro nga anaa sa listahan sa PDEA nga seryosong apektado sa ginadiling druga.

“Ang nadunggan nako is mga asset kuno ni sa PDEA drugarista mao possible nga wala pa gihapon na sila nangahurot,” pahayag niini.

“Rumors lang na siya, I don’t know nadunggan paman nako pero klaruhon ko pa, tungod lage daw asset walaygapanghilabot nila mahimo unta matutuokan sa PDEA kung tinuod ba ni sila nga mga asset, kay siyempre kung asset di man gyud na makatug-an, gagara na nang style nila nga asset-asset,” dugang ni Frias.

Kahinumduman nga gikalipay ni Frias nga nalakip ang iyang barangay sa listahan sa seryosong apektado sa ginadili nga druga aron matutukon kini sa PDEA.

Ang laing mga barangay naglakip sa Carmen, Bonbon, Bugo ug Lumbia.

“Walay asset nga adik.” Kini ang tubag sa usa ka PDEA agent sa nadungog nga taho ni Frias.

“Unang-una ang PDEA wala’y asset nga nag-engage og pagbaligya, amo man ganing gi-discourage gayud sa paggamit sa ginadili nga druga because kami amo gyud nga gihingusgan ang pagpatuman sa Barangay drug clearing program,” butyag niini.

Dugang niini nga ang PDEA wala nagbaton og mga drug personality nga mohatag og problema sa usa ka barangay.

“Ang PDEA wala nag-alaga og drug personalities nga mohatag og problema sa Barangay, kami mismo maoy modaop sa mga nagpatoo nga nakasulod sila sa amo, dakpon namo na basta gamiton ang maong pangalan tungod sa iyang illegal nga kalihokan ilabi na sa paglambigit sa illegal nga druga, kanang mga asset nag-paila nga asset sila sa PDEA unya gigamit ang ngalans a PDEA that is subject for neutralization, amo gyud na nga dakpon kay dili namo na binuhatan,” dugang niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph