LIMA sa 80 ka mga barangay ning dakbayan sa Cagayan de Oro ang gitumbok sa Philippine Drug Enforcement Agency (PDEA) nga anaa sa kategorya nga seryosong apektado sa ilegal nga druga.
Basi sa listahan sa PDEA kini naglakip sa Barangay 23, Carmen, Bonbon, Bugo ug Lumbia.
Kini nga taho nitumaw atol sa gipahigayong regular session sa Konseho ning dakbayan human gibutyag ni Police Senior Superintendent Nelson Aganon, city director sa Cagayan de Oro City Police Office (Cocpo).
Matud ni Aganon nga ang maong lima ka mga barangay ang labing apektado kong hisgutan ang ilegal nga druga ug pagbaton sa mga drug den.
“Out of 80 barangays, 67 ang considered affected and out 67, 5 were considered serious, and these are the barangays seriously affected, the Carmen, Bonbon, 23, Bugo and Lumbia, these are considered as seriously affected according to PDEA, pagsinabi kasing seriously affected there is a possibility of presence of drug den, yun ang categorization nyan,” pahayag ni Aganon.
Samtang gikalipay ni Kapitan Jaime Frias, sa Barangay 23, nalakip sa listahan sa PDEA ang iyang barangay.
Gibutyag ni Frias sa paghinabi sa SunStar SuperBalita nga kini aron matutokan pag-ayo ang iyang barangay ug mahanaw na gyud sa hingpit ang ilegal nga druga.
Apan alang kang Frias, siya nagtuo nga zero drug den ang iyang barangay.
“Nahurot na last time, katong nagpa-operate ta drug den to sila pero kung moingon kag drug den, zero na gayud kay katong 2015 mao man tong mga drug den hurot to tanan sa PDEA,” ang pahayag ni Frias.
“Wala’y problema, una lipay kaayo ko nga gibutang nila nga seriously affected ang drugs sa barangay kay una kabalo man sila nga nag-file mi og resolution nga drug infected ang akong barangay so mas maayo nga naa mi sa watchlist para mabantayan gyud maayo ang barangay, tuod nagmugna sila og operation pinaagi sa akong hangyo nga e-wipeout ang druga diha sa creek side dapit, mao tong malampuson ang operation nga nakarekober og 1.5 million worth of shabu,” dugang niini.
Nasayran nga anaa na sa 214 ka mga anti-illegal drug operation ang gipahigayon sa kapulisan ubos sa liderato ug sa bag-ong nilingkod nga City Director diin 187 niini ang mga drug bust.
Mokabat na usab sa 262 ka mga suspek ang nasikop atol sa mga gipahigayong operasiyon ug ubay-ubay niini ang mga wala sa listahan.
Anaa usab sa 53 ka mga Barangay ang moderately affected, slightly affected ug mga wala na naapektohan sa ilegal nga druga.
“And congratulations to the eight Barangays consider not affected, I think they need to be commended, Barangay 2, 3, 4 and 9, 38, 39, 40 and 21,” ang pahayag ni Aganon.
Naa na usab sa 517. Mga 89 o tunga sa kilo na ang nakumpiska nga illegal nga shabu ang kapulisan sa ilang mga operasiyon, 2,207 kilo sa marijuana ug pito ka mga armas.