Lariosa: Baruganan ni Piñol

NABALIK na si Dept. of Agriculture (DA) Secretary Manny Pinol sa National Food Authority {NFA) isip NFA Council Tsirman human gitudlo ni Pamuno Duterte.

Nakaginhawag luag ang mga kawani sa NFA labi na ang rank and file kay kuli na nga buk-on ang maong ahensiya kay himuon na lang unta kining stocking entity o pundohanan na lang sa humay sa kagamhanan.

Linibo unta ang kakulbag kuon sa mga kawani. Si Pinol sa usa ka TV interview di pa dugay sa CNN Philippines nipahayag nga ang NFA gikinahanglan sa mga Filipino.

Gipatin-aw niya nga ang NFA makatabang kaayo sa mga kabos sa baratong bugas humay labi na kon mohiyos ang suplay sa bugas nga komersiyal sa merkado.

Nipuno pa kini nga bisan milagsik na ang produksiyon sa miaging tuig ubos sa iyang mga pako isip DA Secretary, gikinahanglan pa ang importasyon.

Sa way klarong katarungan, napugngan ang importasyon sa karaang NFA council nga nakapanihit sa NFA rice kay nagsalig man unta sa 250,000 metric tons sa humay nga gitakdang kumprahon.

Nakasabot man gud kaayo ang DA Secretary sa misyon sa NFA kay kini kanhi man nga Regional Public Relations Officer sa Cotabato region sa late 70’s.

Makamao kaayo sa iyang trabaho nadaog niya ang Gintong Butil Award for best publication editor diin iyang gilupig ang ubang mga publication sa NFA sa tibuok nasod sa 1976 ug 77.

Sa 1978 ngadto sa 1980 nakuha nako nga sagunson sad ang maong award sa among publikasyon sa rehiyon 7, “Ang Tigsabwag.” Ang mainstay nga judge sa maong contest mao ang the famous Teodoro Valencia.

Sa wa pa siya mo-resign sa NFA sa 1980 mianhi siya sa Sugbo ug ako siyang gisuroy. Nahimo siyang sports writer sa mga national dailies sa wa pa siya mapulitiko.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph