ANG mga organizers sa "Summer Fun in Dahican - Amihan National Skimboarding Competition", kauban ang Visit Davao Summer Festival planong isaka ang aktibidad ngadto sa internasyonal lebel.
Si Peter Andaya sa 2nd Amihan National Skimboarding Competition miingon nga andam na kini ngadto sa "international event" alang sa Skimboarding competition.
"We are aiming for international next year, two years ago we already considered it, and we think we can do it with the venue and accommodation," niya pa.
Gihisugtan sab niya nga ang mga Pinoy skimboarders miapil na sab og internasyonal pila na ka tuig, ug higayon na kini himuon karong tuiga.
Dugang niya ang saktong panahon himuon ang maong kompetisyon kung ang balod anaa na sa 10 hangtud 20 feet.
Sa kasamtangan, ang lokal organizers nanegurado og saktong pundo sa paghimo sa maong event.
"For this year, around 100 participating skim boarders are expected to join the competition slated 26 to 29 at the Amihan Beach in Dahican, Mati City."
Ang mga partisipante nagagikan sa Leyte, General Santos City, Negros, Digos City, Davao City, ug Cagayan de Oro City, ug uban pa.
Samtang ang laing kalihukan gitawag Bonamine Ultimate Beach Frisbee Tournament karong Abril 27 hangtod 29 sa Menzi Beach Park Campsite sa Dahican motapok og 13 ka tims gikan sa nagkadaiyang lugar sa nasud. (Ace S. Perez)