SECTIONS
Sunday , May 20, 2018
SUPERBALITA DAVAO

Kandidatong kagawad naghikog patay

MIDSAYAP, North Cotabato -- Patay na nga nakaplagan ang usa ka kandidado sa pagka-kagawad sa barangay alas 9:30 sa buntag niadtong Lunes.

Giila ang biktima nga si Judith Postrado, 48, minyo ug molupyo sa Barangay Poblacion 6, Midsayap.

Gibutyag ni Midsayap Chief of Police, Superintendent Gilbert Tuzon nga nadiskubre na lamang sa iyang pamilya ang patay nga lawas ni Postrado nga nagbitay sa kusina sulod sa ilang balay ug wala nay kinabuhi.

Gamit sa biktima ang nylon cord nga gihikot sa iyang liog samtang ang pikas tumoy sa kisame nga bahin nga maoy hinungdan sa iyang kamatayon.

Wala sab dayon matabang si Postrado sa iyang pamilya sa pagtuo nga nagluto lamang kini sa ilang paniudto ug gipakusgan ang tugtog sa musika.

Daghan ang nagtuo nga posibleng personal nga problema sa pamilya ang hinungdan sa paghikog sa biktima ug walay kalabutan sa pagdagan niini isip kagawad. (Edgar E. Fuerzas)


VIEW COMMENTS