PULIS nga gi-ambush patay sa riding in tandem gikan nga nitambong sa hearing sa korte niadtong Martes sa buntag giingong nakadawat og hulga sa kinabuhi sa wa pa ang pagpamusil.
Personal ug may kalabutan sa trabaho ang gitutokan sa kapulisan nga motibo sa pagpatay kang PO2 Kenneth Pogoy.
Nakig-alayon ang mga imbestigador sa Cebu City Police Office sa pamilya ni Pogoy nga gibanhigan sa dalan MJ. Cuenco avenue sa syudad sa Sugbo.
Matod ni Supt. Ryan Devaras nga sigon sa ilang nakuha nga impormasyon nga sa wa pa mahitabo ang pagpamusil, giingong nakadawat na kinig hulga sa kinabuhi. Ilang susihon ang cellphone ni Pogoy kon aduna ba silay makuha nga importanting kasayuran nga makahatag og giya sa mga imbestigador pag ila sa posibling utok sa pagbanhig niini.
Nakita sa mga imbestigador ang kopya sa CCTV sa usa ka bangko sa atbang sa dapit diin nahitabo ang pagpamusil apan ang problema di maklaro ang panagway sa mga suspek. (AYB)