Mga pulitiko gidid-an pagpanghadlok sa 4Ps

NANAWAGAN karon ang Department of Social Welfare and Development Northern (DSWD) Mindanao ngadto sa mga pulitiko nga midagan sa Sangguniang Kabataan (SK) ug Barangay Election.

Kini nga dili hadlokon ang mga benipisaryo sa Pantawid Pamilyang Pilipino Program (4Ps) nga programa sa gobyerno alang sa mga kabus.

Matud ni Oliver Inodeo kinsa Information Officer sa 4Ps nga adunay uban nagpapili sa posisyon nga gamiton ang 4Ps sa pagpanghadlok sama sa dili na mahimong miyembro kon dili iboto ang maong pulitiko.

Dugang ni Inodeo nga walay bisan kinsa nga pulitiko ang makatangtang sa mga benepisaryo gawas lamang sa buhatan sa DSWD.

Kon aduna may tangtangaon ipaagi pa kini sa masusing proseso kon angayan pa ba sa programa ang usa ka benipisaryo ug dili ang usa ka pulitiko nga nagpapili sa usa ka posisyon. (SVB)