Oro ika-7 sa safest cities sa Southeast Asia

NASAKMIT sa dakbayan sa Cagayan de Oro ang ika-pito sa top 10 safest cities in Southeast Asia base na usab sa gipahigayong survey sa global statistics provider Numbeo.

Nasayran nga anaa sa ika-pito nga spot ang siyudad sa Cagayan de Oro diin adunay point safest index nga 55.49.

Nag-una usab sa listahan ang city-nation sa Singapore nga adunay 83.42% rating. Gisundan kini sa Valenzuela City (75.97 percent); Davao City (71.60 percent); Chiang Mai, Thailand (67.30 percent); Baguio City (59.28 percent); Makati City (58.64 percent); Yogyakarta, Indonesia (54.05 percent); Bali, Indonesia (52.73 percent); ug Hanoi, Vietnam (52.17 percent).

Gibutyag ni City Information Officer Maricel Casiño nga nagpasalamat kini sa nasakmit nga award sa dakbayan ug kini tungod sa pagtinabangay sa mga katawhan dinhi sa dakbayan ilabi na usab sa dakong tabang sa mga otoridad o mga law enforcer.

“Lipay kita niini, siguro kini siya affirmation kini siya sa concerted effort nato dinhi sa dakbayan no apil na niana siyempre ang atong law enforcement agencies no both National and local kay d man gud ni siya mahimong ingon ani kung dili kani siya resulta ug produkto sa pagtinabangay sa tanan,” pahayag niini.

Nasayran nga ang maong survey sa kumpanya sa Numbeo nga gipahigayon kini niadtong milabay nga tuig 2017 sa ulahing kwarter niini.

Gipahigayon usab ang survey pinaagi sa online nga mga pangutana sama na lamang kung unsa sila ka luwas nga maglakaw nga mag-inusara panahon sa kagabhi-on.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph