MisOr guv, bise mayor naghugpong

KONTRA kaniadto apan karong naghugpong na sa politika ang duha ka mga politiko sa probinsya sa Misamis Oriental.

Gikumpirma ni Misamis Oriental Governor Yevgeny Vincente Emano nga naghugpong na sila karon sa mga pamilyang Guingona.

Matud ni Emano nga bag-ohay lang niadtong adlawng Sabado didto sa Kaulohan hingpit na nga nasilyohan ang ilang alyansa tali kang Gingoog City Mayor Marie Guingona ug sa Bise Mayor nga si Ruth De Lara Guingona.

“Nahinabi ko didto si kanhi Senator TG Guingona ug former Vice President Teofisto Guingona para sa hingpit nga pag-alyansa sa among pag-uban,” pahayag ni Emano.

Gibutyag niini nga tumong niini nga panag-uban aron hingpit nga masilbihan, maalagaran ang katawhan sa dakbayan sa Gingoog.

Sa ilang pag-uban pwersa nanawagan si Bambi sa katawhan sa Gingoog nga suportahan ang mga kapitan nga gituboy sa pamilyang Guingona aron mas malapad ug paspas ang paghatod og serbisyo sa lalawigan ngadto sa dakbayan sa Gingoog.

“Hangyo lang nako sa katawhan nga suportahi ninyo ang kinsa man nga mga kapitan nga bout suportahan ni Mayor Guingona aron paspas ang programa ug serbisyo nga mapaabot nato kaninyo mga lumolupyo sa Gingoog,” matud ni Emano.

Kahinumdoman nga ang pamilyang Guingona ubos kaniadto sa Liberal Party ug gasumpaki sa ilang mga baruganan human pabiling anaa sa partido Padayon Pilipino si Emano ug kaniadtong presidential election ilang gisuportahan ang United National Alliance.

Malaumon sab ang Gobernador nga sa ilang pag alyansa daghan pa sa proyekto ang mabubo ngadto sa siyudad sa Gingoog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph