SECTIONS
Monday , May 21, 2018
SUPERBALITA CEBU

Horn dili kaabot og 2nd rd. kontra ni TC: Roach

NAGTUO si American trainer Freddie Roach nga paundangon og sayo ni American Terrence Crawford si Australian Jeff Horn sa ilang world title fight karong Hunyo 9 sa Las Vegas.

Gani asoy ni Roach nga sa iyang tan-aw, dili makahuman si Horn sa 1st round batok sa boksidor nga alang sa kadaghanan, maoy angayang mahimong pound-for-pound champion.

Dili ikalimod nga grabe ka inilog si Crawford ning awaya bisan sa kamatuoran nga bitbit ni Horn ang dungog nga usa sa mga nagpukan kang Filipino boxing icon Manny Pacquiao.

Si Crawford nipadayag nga nagpanikad na siya alang ning awaya diin suwayan niyang pag-ilog ang World Boxing Organization (WBO) welterweight title ni Horn.

“I cannot wait to get back in the ring on June 9 and win the WBO welterweight championship,” matod ni Crawford sa interbyu sa ESPN.

“Jeff Horn and his team better be ready, because they are going to see a bigger, stronger and more powerful Terence Crawford. I am going home with that belt.”

Si Crawford, kinsa maoy nagdominar sa junior welterweight division, nakadesisyon nga mosaka og timbang aron makig-away kang Horn.

Naghupot si Crawford og 32-0, 23KOs nga rekord samtang si Horn adunay 18-0-1, 12KOs nga baraha. (ESL)


VIEW COMMENTS