SECTIONS
Monday , May 21, 2018
SUPERBALITA DAVAO

Mahimong SK president gilauman na sa Konseho

GIKANAYON ni Bise Mayor Bernard Al-ag nga sa di madugay duna nay morepresentar sa sektor sa kabatan-onan sa Sangguniang Panlungsod human ang Mayo 14 nga eleksiyon.

Sa pakighinabi, si Al-ag nagkanayon niadtong Martes nga ang posisyon sa representante sa Sangguniang Kabataan (SK) bakante sulod sa upat ka tuig ug nalipay siya sa taliabot nga eleksiyon, bag-ong miyembro, ang SK Federation president molingkod na isip bag-ong miyembro sa Konseho.

"This is very significant because in the Philippines, even Davao City, majority of their population are the youth. Thirty years old below comprises the half of our population and the local government code states tha there should be a representation of the youth in the city council," pung pa niya.

Sumala niya nga ang SK federation president modugang ngadto sa listahan sa mga bag-ong konsehal.

Si Al-ag nagkanayon nga ang bag-ong Indigenous People Representative manumpa sulod ning bulana ug opisyal nga motambong sa sesyon sa bulan sa Mayo, ug si third district councilor Carmelo Clarion, kinsa mihulip kaniya, nagsugod na sa iyang buluhaton ug nagtambong na og mga sesyon. (Karina V. Cañedo)


VIEW COMMENTS