3 namatay sa tandok

KORONADAL CITY -- Tulo ka mga tawo ang namatay tungod sa rabies sa probinsiya sa South Cotabato sugod niadtong bulan sa Enero hangtud sa kasamtangan.

Mga biktima nagagikan sa mga lungsod sa Lake Sebu, Banga ug Tupi sa nahisgutang probinsiya.

Gibutyag ni John Codilla, rabies provincial focal person sa Integrated Provincial Health Office (IPHO) nga ang mga biktima wala magpabakuna og anti-rabies.

Mga biktima giingong nagpatambal lang pinaagi sa tandok ug wala sa mga doktor.

Ang tandok usa ka kinaraan o tradisyonal nga pagtambal kung diin tanggalon niini ang rabies sa lawas sa tawo pinaagi sa pagsuyop sa samad gamit ang sungay sa binaw.

Apan gikanayon ni Codilla nga dili epektibo ang tandok o bisan unsa nga tradisyonal nga pamaagi sa pagpanambal susama sa pagpainom og lana sa lubi ug uban pa.

Nanawagan ang opisyal nga kung mapaakan og iro ug ubang hayop, kinahanglan nga moadto dayon sa animal bite treatment center alang sa anti-rabies vaccine ug dili sa tig-tandok.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph