Duterte mo-resign sa Mayo kung BBL dili molusot

BULUAN, Maguindanao province - Moluwat sa katungdanan si Presidente Rodrigo Duterte sunod bulan kon di mapasar sa Kongreso ug Senado ang Bangsamoro Basic Law (BBL).

Kini ang giluwatan nga pamahayag sa Presidente atol sa iyang pagbisita didto sa Buluan alas 5:00 sa hapon niadtong Miyerkules.

Dako ang pagtuo ni Duterte nga ang BBL maoy tubag sa dugay na nga kagubot ug kawad-on sa Mindanao sa gipursige sa kalinaw ug kalamboan sa rehiyon.

Apan kung mapakyas nga mapasa ang BBL gisaad niini nga moluwat siya sa katungdanan.

Ideklara sab ni Presidente ang Mindanao nga Land Reform Area aron matamnan ang mga yuta nga nakatiwangwang apil ang gipanag-iyahan sa gobyerno.

"I am willing na 'pag transition o wala pa, I will declare the whole of Mindanao a land reform area, lahat ibigay ko, pati 'yung lupa ng gobyerno. 'Yung bukid mataniman mo ng rubber, mataniman mo ng palm oil. Ibigay ko," saad ni Duterte sa paglunsad sa Maguindanao Balik-Baril Program sa Buluan.

"Pag hindi, baka mag-resign ako pagka-presidente. Inyo na lang 'yan hindi ko talaga kaya. Wala ring silbi eh. Kung bigyan mo lang naman ako ganitong administrasyon, until the end of my term, frankly, I would rather resign. Napapagod na ako to solve the problem," dugang ni Presidente Duterte.

Nanguna ang Presidente sa paglunsad sa Balik Baril Program kung diin gi-presenta ni Maguindanao Governor Esmael Mangudadatu ang 900 loose firearms nga gisurender sa mga sibilyan ug lokal opisyal gikan sa 33 ka lungsod sa probinsiya.

Samtang nang-apud-apod sab og livelihood assistance ang Presidente ug ang gobernador sa upat ka miyembro sa Bangsamoro Islamic Freedom Fighters (BIFF) nga misurender sa militar sa Maguindanao.

Ang probinsiya maoy nag-una karon sa kampanya sa gobyerno batok sa mga loose firearms, kauban ang kapulisan ug Joint Task Force Central Mindanao nga gipangulohan ni Major Arnel Delavega, 6th ID commander.

Samtang mapasalamaton si Mangudadatu sa Presidente sa mga natabang niini sa probinsiya ug mipasalig sa tibuok niyang suporta sa administrasyong Duterte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph