GITATAW ni Mandaue City Mayor Luigi Quisumbing nga mapasemento na unya sa kagamhanan sa dakbayan ug mabutangan na og street lights ang dalan kilid sa may UC-LM nga kanunayng gireklamo sa publiko sa kalapukon niini kon ting-uwan ug abogon kon ting-init.
Kini human nga nihatag sa “deed of perpetual right of way” ang San Miguel Corp., tag-iya sa maong luna, diin nagsubay ang maong dalan.
Niadtong Miyerkules, pormal nga gidawat sa konseho sa dakbayan ang deed of perpetual right of way gikan sa SMC.
Dugang sa mayor nga wa nahibaw ang publiko nga ang dalan kilid sa maong pribadong tunghaan gipanag-iya sa pribadong tawo maong di makahilabot ang Dakbayan sa pagpa-ayo niini. (JPP)