Mga duwa karon
4:30 pm- Meralco batok GlobaPort
7:00 pm- Alaska batok Rain or Shine
ANGKUNON og suway sa Meralco Bolts ang solo ug sayong liderato sa ilang pagpakigbatok sa GlobalPort Batang Pier sa premirong duwa karong hapon sa pagpadayon sa Philippine Basketball Association (PBA) Commissioner’s Cup sa Araneta Coliseum.
Ang Bolts adunay taas nga moral nga mokombati ning sangkaa gumikan kay nasubhan sila og dakong kadaugan batok sa Columbian Dyip, 116-103, niadto lang Miyerkules.
Gawas niini, ikasangka sab nila ang Batang Pier nga nag-us-os ang abaga gumikan sa ilang dakong kapildihan batok sa Talk N’ Text KaTropa, 114-128, sa premiro nilang duwa.
Apan gipahimangnuan ni Meralco coach Norman Black ang iyang mga batos nga dili molugak bisan gamay batok sa Batang Pier.
“Judging by GlobalPort’s game versus TNT it’s important that we come out ready to play and match their physicality,” batbat ni Black.
“They are a big, strong team so we must control our defensive boards and limit their second chance points. On the other end, transition defense will be essential for us to get a win since they like to get out and run.”
Si Batang Pier coach Pido Jarencio nanghinaot nga dili mobahar ang ilang opensa sa krusyal nga bahin nga maoy hinungdan sa ilang kapildihan batok sa KaTropa.
Sa main game, magsangka ang Alaska Aces ug Rain or Shine Elasto Painters nga parehong karon pa mopakita’g aksyon sa komperensiya. (ESL)