ANG Globe Telecom nanawagan sa private organizations ug non-government agencies sa pagkolaborasyon ug pag-apil sa volunteerism program sa kompaniya sa paghatag og opurtunidad sa volunteers sa paghimo sa Globe of Good.
Si Yoly Crisanto, Senior Vice President for Globe Corporate Communications, nibutyag nga ang tumong sa kompaniya sa pagpaambit sa talagsaong kultura sa boluntarismo sa daghang Filipino sa pagpakig-uban sa dunay susamang tumong nga organisasyon nga abli sa pagboluntaryo nga nasulod sa ilang operasyon.
Dugang ni Crisanto nga ang Globe motabang sa mga interesado nga moboluntaryo sa pagkonektar sa mga kalihokan sa tibuok nasod aron mas daghang tawo ang mopakaylap ug mopaambot sa ilang kahibaloan ngadto sa nanginahanglan.
“Globe recognizes the Filipino’s innate caring for others and rekindle the ‘bayanihan’ spirit. This partnership allows us to expand volunteer opportunities to as many organizations as possible while encouraging more Filipinos to participate, share their time, and be agents of positive societal change,” matod ni Crisanto.
Niadtong 2017, ang kompaniya ni-register og kapin sa 52% participation rate alang sa Globe employees isip boluntaryo, diin nibenepisyo sa 110 ka tunghaan ug 93 LGUs ug NGOs sa tinuok nasod.
Ang Globe nihatag usab sa ilang mga kawani og opurtunidad sa pagboluntaryo sa international nga kalihokan. Kini kabahin sa pagpanday sa komunidad nga nagusbat tungod sa kalamitad, ang Globe nagsuporta sa Singtel Group “Better Together” Overseas Volunteering Program (OVP).
Sukad niadtong 2011, ang Globe nidala sa mga boluntaryo gikan sa Singtel ug Optus sa pagsuporta sa nagkalainlaing lokal nga komunidad sa Pilipinas.
Sa miaging tuig, ang ubang Singtel affiliates ning-apil sa Advanced Info Service (AIS) sa Thailand, Bharti Airtel ug Bharti Foundation sa India, hinungdan nga napalapdan ang boluntarismo.
Ang nasudnong volunteering program gitumong sa paggamit sa iVolunteer Philippines platform, diin nagpares sa Filipinos sa nakalainlaing civil-society organizations (CSO) uban sa available volunteering opportunities.
Ang iVolunteer Philippines usa sa top five winners sa Global Future Makers (GFM), social innovation program tnga nangita og tubag sa hinungdan sa kalisod. (PR)