Mag-uwan hangtod sa Sabado, dili pa ting-uwan

ANG nasinating pag-uwan uwan di pa maoy pagsugod sa rainy season sanglit naggumikan kini sa Intertropical Convergence Zone (ITCZ).

Pasabot sa officer-in-charge (OIC) sa PAGASA Visayas Oscar Tabada nga ang ITCZ maoy ang pag-abot sa bugnaw ug init nga hangin nga gikan sa SouthEast nga nakamugna og baga nga panganod nga nagdala og uwan ug kilat.

Matod ni Tabada nga ang uwan kagahapon hangtod na sa adlawng Sabado iyang gihulagway nga “inday inday” nga mokalit og uwan dayon motuang ug mobalik na sab ang uwan.

Ang kusog nga uwan kagahapon nagsugod og buntag ngadto na sa hapon diin natagamtaman sa mga nagkadaiyang parte sa Metro Cebu lakip sa dakbayan sa Lapu-Lapu.

Adunay pipila ka mga dapit nga misaka ang tubig resulta sa kakusog sa pagbunok sa uwan.

Ang ITCZ nahimutang sa Eastern ug Central Visayas ingon man sa Palawan.

Ang maong pag-uwan uwan mokusog ang bunok sa kahapunon ngadto na sa kagabhion.

Gibana-bana nga sa adlawng Domingo (Mayo 6, 2018) masinate na sab ang kainit apan sa adlawng Lunes (Mayo 7, 2018) ngadto na sa Martes matagamtaman pag-usab ang uwanon nga kahimtang sa panahaon.

Mipahinumdum si Tabada niadtong nahimutang sa low lying areas nga magmatngon sa baha ingon man ang pagdahili sa yuta sa kabukiran.

Hayan nga sa ikaduhang o ikatulong semana sa Mayo o ngadto na sa unang semana sa Hunyo matagamtaman na ang rainy days. (FVQ)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph