GIPAHIMANGNOAN sa Police City Director sa Cagayan de Oro City Police Office (Cocpo) ang kapolisan sa insaktong pagamit sa armas aron dili maunay niini.
Kini atol sa pagbisita sa Police Station 2 (PS2) sa Cogon ni Police Senior Superintendent Nelson Aganon, police city director aron pagdisiplina sa miyembro sa Cocpo ug gani aduna na kini walo ka mga sakop sa PS2 ang gipang-relieve.
Sa pakighinabi sa Sun.Star Superbalita ngadto kang Aganon, gibutyag niini nga nagpahimangno lamang kini sa insaktong paggamit sa ilang tagsa-tagsa ka mga armas aron nga dili maunay.
"Ni re-remind namin sila kasi minsan, nagkakaron ng mga insidente na accidental firing sa loob ng bahay so minsan yung mga pulis natin kailangan din nating e-remind kasi may mga habit sila before na ginagawa which is wrong” pahayag ni Aganon.
Gidugang niini nga aron malikayan ang maong mga panghitabo kinahanglan nga pahimangnoan kini sa angayang mga buhaton diha sa paggunit sa ilang mga armas lakip na niini nga kinahanglan nga wala kini anggulo.
“So para maiwasan na kasi nakakahiya naman na ikaw yung may ari ng baril ikaw yung na accidental sa loob ng bahay mo diba? So sinasabi natin na pag nag hahandle sila ng baril ,ini-squeeze ang baril hindi pweding may angle dapat perpendicular, para magkaroon man ng blast walang tatamaang pamilya,” dugang ni Aganon.
Nasayran nga niadtong Marso 13 ning tuig lang patay ang usa ka sakop sa City Force Mobile Company (CFMC) nga si Police Officer 3 (PO3) Joseph Marimon human giingong aksidente niini nga napusilan ang iyang ulo sulod sa karaan nga building sa Maharlika Headquarters nga nahimutang sa Barangay Carmen ning siyudad.