DEAR Tita Heart,
Maayong adlaw nimo tita ug sa mga suki sa SuperBalita. Namroblema ko og maayo tita kay akong uyab naglansad pagka SK chairman. Tita wala na gyod siyay time sa akoa ug naglaom ko nga mapilde siya kay samot wala na siya panahon sa ako pagmodaog siya. Unsa akong buhaton?
Reina
*****
Hello Reina,
Dili ba kaha selfish ra kaayo ka nga imong kaugalingon ra imong gihuna-huna. Imong uyab willing moserbisyo sa mga batan-on unta mosuporta ka. Sa pagkakaron kay campaign period pa man, obvious nga busy kaayo ang imong uyab sa kampanya ug unta as gf, motabang ka ug dili lang maghulat kon kanus-a ka niya mahatagan og panahon.
Kon imong kaugalingon ra imong lantawon, mas maayo siguro karon pa daan bulagan nimo aron makapangita siya og uyab nga naa sa iyang kilid mosuporta sa iyang mga plano sa kinabuhi sa umaabot.
Tita Heart