DAGHAN ang nakurat sa disisyon sa mga mahistrado sa atong hudikatura nga maoy nangunay sa paghusga sa ilang labaw nga wala masunod sa lagda sa atong batakang balaod. Kining mosunod mao ang basehanan sa pagpalagpot sa mga tag-as nga opisyal sa atong gobyerno.
Impeachment, means removal from office of a highest government official. It was first used in Europe to “empeche” - or cut off – the head of a king. Congress can impeach the President, or high profile government official for any of the following reasons:
(1) Violation of the constitution,
(2) Treason,
(3) Bribery,
(4) Graft and corruption,
(5) Other high crimes,and
(6) Betrayal of public trust.
Si Chief Justice Maria Lourdes Sereno, pwede siya tangtangon ingon nga hepe sa hudikatura pinaagi sa impeachment, pero ambot ug ngano nga wala man kini misangko didto? Mosugot kita'g sa dili, ang pagpalagpot kang Chief Justice Sereno, nakasupak gayud sa atong batakang balaod.
Wala masunod ang insaktong proseso, tungod kay walay quo warranto nga
maoy basehan sa pagpalagpot kaniya isip hepe sa atong hudikatura, sa laktud nga pagkasulti, usa kini ka dautan nga sumbanan sa umaabot pang panahon.
Bisan gani si Senate President Aquilino Pimentel Jr. nagpagawas sa iyang pagkadismaya nga wala moagi sa ila nga maoy bugtong nga maghusga kon angayan bang palagputon ang hepe sa hudikatura o dili.
Nanobra na ang dula sa politika sa atong panahon karon, tungod kay sukwahi sa atong gituhoan nga distansiya sa politikanhong kalihukan ang atong mga miyembro sa Korte Suprema, apan karon nasudlan na.
Wala nato pabori si Chief Justice Maria Lourdes Sereno, apan unta girespeto sa atong mga tag-as nga opisyal sa gobyerno ang nakalagda sa atong batakang balaod nga Impeachment ug dili quo warranto ang makapalagpot kanila, unsa may gidalian nga moabot man gihapon sa punto nga mapapha ang hepe sa hudikatura?
Mas maayo pa nga kon amendahan man ang atong batakang balaod, wad-on ang katungod sa atong Executive nga maoy magtudlo sa hepe sa atong hudikatura, aron tinuod nga co-equal ang executive ug judiciary, ug kon moabot nang panahon nga magritero na ang chief justice, kon kinsay most senior mao ang mosunod nga labaw sa ilang han-ay.
Sa tulo ka sanga sa sistema sa atong gobyerno; Executive, Legislative ug Judiciary dapat nga dili magpalabwanay sa garbo, magrespetohay tungod kay kon ingon ini ang atong kahimtang, walay maayong sangputanan ang tunhay nga pagpadagan sa atong gobyerno.
Ang atong nahadlokan kon moabot ang panahon nga ang mga tawo dili na mahadlok ug dili na morespeto sa atong gobyerno kay kon maghisgot kita ug kasupakan sa balaod nga nahimo sa Chief Justice, nahimo man usab kini sa usa ka associate justice nga si Teresita Leonardo De Castro?
Pero nganong wala man siya pahamtangi sa maong salaod? Tungod ba kay pabor siya sa atong administrasyon? Nangutana lang, ayaw lang mo kasuko. Kay matud pa’s atong mga katigulangan, way dautan sa pagpangutana, di ba?