SUPERBALITA CAGAYAN DE ORO

Uy nagpabiling kapitan sa Carmen

NAGPABILING kapitan sa Barangay Carmen si Rosemary Lorna Uy, kinsa nakakuha og 16,335 nga total votes, base sa pinal nga ihap sa Barangay Board of Canvassers (BBOC).

Gipildi ni Uy ang iyang kaatbang nga si Ryan Delos Reyes Rayla.

Mao kini ang ikaduhang termino ni Uy isip kapitan sa maong barangay.

Midaog usab ang tanang ka partido niini sa pagka-kagawad nga mao sila Roland Sherwin Uy, kinsa nakakuha sa pinakadakong botar sa pagka-kagawad; Jerry Sabanal; Sunny Rae Cahayag; Kristian Dale Dabatian; Cyril Ranile; Erlinda Padere; ug Bernel Taguic.

Mapasalamaton ang grupong Uy tungod midaog ang tanang miyembro niini sa partido.

Nagpagawas usab og pasalamat ang partidong Uy sa katawhan sa Barangay Carmen, ilabi na sa mga residente nga mibotar ug sa mga tig-suporta nga mitabang sugod sa adlaw sa kampanya hangtod sa paghuman sa adlaw sa piliay.


VIEW COMMENTS