SECTIONS
Sunday , May 20, 2018
SUPERBALITA CEBU

Honorarium sa mga magtutudlo nga misilbi sa Lapu-Lapu City ihatag na

MISAAD ang election officer sa Lapu-Lapu City nga sud ning semanaha i-release ang honorarium sa mga magtutudlo ug support staff nga mi-alagad sa Synchronized Barangay ug Sangguniang Kabataan Election.

Nagkanayon si Atty. Ann Janette Lamban nga iyang nang giandam ang payroll sa kapin sa 1,600 ka mga magtutudlo, wa pay labot sa board of canvassers ug support staff.

“Kuti kaayo ang payroll nga gipahimo ron, dunay cash card ug duna pud tay cash,” tipik sa pamahayag ni Lamban diin iyang masabtan ang kakapoy sa mga magtutudlo nga mialagad sa piniliay.

Nasayran nga di sama ang kantidad sa honorarium nga madawat sanglit ang chairman sa electoral board adunay tag-P6,000 plus P1,000 nga travel allowance, samtang ang members adunay tag-P5,000 ug dugang P1,000 nga travel allowance.

Samtang aduna nay talaan nga gipagawas niadtong mga na-proklamar nga midaog pagka-barangay kapitan sa 30 ka barangay sa mainland Lapu-Lapu ug Olango Island. (FVQ)


VIEW COMMENTS