SECTIONS
Sunday , May 20, 2018
SUPERBALITA CEBU

Kerwin gustong kaso i-dismiss

ANG giingong drug lord nga si Kerwin Espinosa niawhag sa Department of Justice (DOJ) sa pagbasura sa kasong illegal drugs nga gipasaka sa Philippine National Police (PNP) batok kaniya.

Sa preliminary investigation kagahapon, bugtong si Espinosa lang ang nitunga ug niduso sa iyang counter-affidavit.

Sa iyang siyam ka pahina nga counter-affidavit, si Espinosa niingon nga ang PNP way ebidensya nga naghupot siya og drugas, samtang nangutana siya kon unsa ang silot nga ipahamtang kaniya nga ubos sa Republic Act 9165, ang mga silot nagbase sa gidaghanon sa drugs nga napalgang gihuptan.

“Since the government could not prove that I ever had shabu in my possession, what would be the penalty that could be imposed on me?” nangutana si Espinosa sa iyang counter affidavit.

Gitumbok ni Espinosa ang CIDG nga napakyas sa pagpresentar sa “corpus delicti” sa giingong krimen, nagpasabot nga way drugas nga napresentar ang DOJ panel of prosecutors isip ebidensya.

Kini nga depensa gipahimug-atan sa unang panel nga nisalindot sa kaso, human makaplagi nga ang mga sworn statement ni Marcelo Adorco, ang respondent witness, batok sa ubang respondents, wa magkadimao.

“Where is the corpus delicti? Surely, this honorable panel would understand how vital the corpus delicti is for purposes of determining the existence of probable cause?” nagkanayon ang sworn statement ni Espinosa.

Gawas sa iyang pamahayag atubangan sa duha ka Houses of Congress, ang pulis, pinaagi sa Office of the Solicitor General, ningpresentar og 37 ka mga tseke nga giisyu ngadto sa nagkadaiyang mga babaye nga nanalipod kaniya ug sa iyang negusyo sa drugas. (SUNNEX & PNA)


VIEW COMMENTS