Kapulisan alerto sa Ramadan

GISUGDAN adlaw’ng Huwebes ang pag-obserbar sa Ramadan. Dungan niini ang pagpangandam sa kapolisan sa Cagayan de Oro City Police Office (Cocpo) sa pag seguro nga hapsay ang maong kasaulogan.

Pipila ka igsuon nato nga Muslim ang nagsugod na sa pagpausa sa unang adlaw sa Ramadan.

Sa pakighinabi kang Police Superintendent Mardy Hortillosa, tigpamaba sa Cocpo nga andam na usab ang ilang buhatan kalabot na sa maong kasaulogan.

“Naa na ta security plan ana ug gipa coordinate ug gi direct na nato ang mga Stacom (station commanders) sa mga Muslim Community nato para mahatagan nila’g security every activity,” pahayag ni Hortillosa sa Superbalita Cagayan de Oro.

Unsa ang Ramadan

Ang Ramadan usa ka kalihukan sa Muslim diin langkuban kini sa ilang pagpuasa.

Sama sa dili pagkaon inig ka buntag, pag inom ug tubig ug ilimnong makahubog ug uban pa.

Gibutyag ni Mohammad, usa ka Muslim nga taga Vamenta, Barra, Iponan nga importante kaayo ang pagsaulog sa Ramadan gumikan kay gipahimangnoan kini sila nga likayan ang pagpakasala ug himuon kung unsa ang angayan nga buhaton.

“Ang importance of fasting para sa ako is kanang gipa remind mi sa Ramadhan to forbid what’s wrong and practice what is right, and hopefully to continue even di na Ramadan ug daghan pa,” matod niini.

Matapos ang kasaulogan sa Ramadan sa sunod bulan sa tunga-tunga sa Hunyo nga mao ang Eid’l Fitr diin daghan nga kaigsoonan nga Muslim ang magtigom alang sa hinusang pag-ampo (communal prayers).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph