COMPOSTELA, ComVal Province -- Mitugpa sa ospital ang usa ka mag-uuma human gibangkaw sa iyang amahan sa Purok 5, Barangay Gabi, alas 5 sa gabii, Miyerkules.
Biktima giila nga si Joel Libosada, 36, ulitawo. Gitudlong suspek si Rodrigo Libosada, 58, mag-uuma, amahan sa biktima.
Ang imbestigasyon sa Compostela Municipal Police Station nagkanayon nga ang biktima miadto sa balay sa iyang amahan ug gisukmatan kay gisabsab sa binuhing kabaw sa suspek ang iyang tinanum nga saging.
Natigayon ang lalis diin mikuha og bangkaw ang suspek ug giduslak ang iyang anak duha ka higayon. Nahiagom sa duha ka samad dinunggaban sa walang bahin sa iyang abaga ang biktima.
Ang suspek paspas nga miiktad paingon sa wala matinong direksiyon dala ang hinagiban.
Ang biktima daling gisapupo ug gidala ngadto sa Compostela Valley Provincial Hospital sa Barangay Bankerohan Sur, Montevista aron matambalanan. Gilusad na sa kapulisan ang pursuit operation batok sa suspek.