SECTIONS
Monday , May 21, 2018
SUPERBALITA CEBU

Hapon gidakop human mipalit og marijuana

DIMALAS ang Japanese national human nga gideretso og hatod sa habalhabal drayber nga gisakyan niini sa Subangdaku Police Station sa dakbayan sa Mandaue human kini nipalit og usa ka pakete sa gituohang marijuana sa E Lopez St. sa dakbayan sa Sugbo niadtong Miyekules sa gabii.

Karong adlawa, gikatakdang mag-atubang og kasong kalapasan sa section 11 sa article 2 sa dangerous drug act si Yuta Sagara, 24 anyos nga Japanese call center agent, kasamtangang nagpuyo sa may Kasambagan, dakbayan sa Sugbo.

Kini human nakuha niya ang usa ka medium nga plastic nga adunay sud nga ug ang dahon sa marijuana.

Gikan si Sagara usa ka dakong hotel sa may F. Cabahug St., Ayala Access Road, Kasambagan, Cebu City sa wa pa ang insidente.

Matod ni PSInsp. James Cunaco sa dihang nahinabi sa Superbalita Cebu nga nga ang suspek nagpahatod sa habalhabal drayber atol sa insidente pasado alas 9:00 sa gabii sa E. Lopez.

Dugang niya nga nakita sa drayber ang pagpalit ni Sagara sa marijuana ug human sa transaksyon, nipahatod kini balik sa iyang hostel.

Apan nakurat ang Hapon nga imbes sa hotel siya ihatod sa iyang drayber, didto kini gihunong atubangan mismo sa Subangdaku Police Station.

Ang drayber daling nitug-an sa kapulisan nga dunay dala nga gituohang marijuana ang suspek na-alerto ang kapulisan.

Si Sagara nagkaratil og dagan, gani, nakadagan pa kini og mga 500 ngadto sa 700 metros gikan sa police station diin hapit na siya maabot sa usa ka tunghaan.

Didto na naabtan sa M.C. Briones St. duol sa may Atlantic Hardware nasikop si Sagara kinsa nihimakak nga iyaha ang drugas.

Nasuta ning mantalaan nga duha ka tuig na nga nanimuyo dinhi sa Sugbo si Sagara nga lumad sa Fukouka, Japan.

Ang kapulisan sa dakbayan sa Mandaue nikonsiderar nga usa ka high-value target ang suspek sanglit usa man kini ka langyaw.

Samtang ipatawag og balik karong adlawa ang drayber sa Subangdaku Police aron pangutan-on kalabot sa iyang nakita sa transaksyon sa langyaw. (JPP)


VIEW COMMENTS