DUHA ka mga bata ang namatay sa gidudahan nga food poisoning niadtong Huwebes sa gabii, Mayo 17, sa Barangay Zone 4, Sta. Cruz, Davao del Sur.
Mga otoridad naglusad na og imbestigasyon aron susihon kon dunay kontaminasyon sa pagkaon.
Base sa inisyal nga imbestigasyon ni Police Officer (PO)3 Hister Bankas uban ni PO2 Mark Anthony Araneta, si Jovert Deserto Rusia miabot sa ilang balay sa sitio Bitaug alas 8 sa gabii niadtong Huwebes nga dunay dalang sud-an nga bas-uy nga gihatag sa ilang silingan, nga ilang gikaon sa panihapon.
Ang pamilya, sa laing bahin, nagsugod na sa pagsuka human sa ilang panihapon ug sila miadto Panuda Hospital aron matambalan.
Mga biktima giilang sila Joemaria, 3; Jollymar, 5; Jen Rose, 1; ug iyang live-in partner.
Sila Joemaria ug Jollymar gideklarang patay samtang ang live-in partner ug Jenrose didala sa Provincial Hospital in Digos City. DSi Davao del Sur Provincial Police Office (DSPPO) provincial director Police Senior Superintendent Samuel Gadingan nagsulti nga ang food samples gipadala na sa Municipal Health Office alang sa himuong testing.
Usa ka autopsy ang gihangyo alang sa duha ka mga bata.
"Motive of this incident is yet to be determined and we will immediately wire any development of the case," suma sa report.
Biyernes sa buntag, mikatag sa Facebook nga ang mga biktima namatay tungod gihiloan sa ilang silingan nga dayo sa ilang lugar.
Ang maong post miani og nagkadaiyang nagkadaiyang reaksyon sa netizens.
Gipangayoan og dugang detalye ang netizen nga nag-post sa iyang Facebook labot sa insidente, apan wa pa siya nakatubag samtang gisuwat kining balita.