NIDANGOP sa kapulisan ang usa ka balo human nga gipanabi nga baho kini og kinatawo sa silingan ra usab ug susama nga balo sa Barangay Bayabas, dakbayan sa Cagayan de Oro.
Nagpatala si Cecile (dili tinuod nga ngalan), 52, balo ug taga Zone-6, Bayabas batok na usab sa susama nga balo nga si Dinnah (bansagon gitago) human nga gipanabi ug gipakaulawan kini.
Sa nahipos nga impormasiyon, gikabutyag nga samtang anaa sa maong dapit si Cecile nagsinggit-singgit kining si Dinnah sa daghang mga tawo.
Giingong gapanabi kini ug misinggit nga baho og kinatawo si Cecile hinungdan nga gibati kini og dakong kaulawon ilabi na nga pribadong parte ang gihisgutan niini.
Gidugang pa nga gibalik-balik pa kini sa pagsingit ilabi na nga nagtumbok kaniya sa pag-ingon nga “Baho kag Bi**t” nga nakahatag kaniya og kabalaka ug kaulawon tungod kay daghan kaayo ang nakadungog niini.
Daan na kini silang aduna’y panagbingkil sa personal nga mga butang nga gitoohang maoy hinungdan sa pagpakaulaw.
Ang insidente ang nakatala na sa buhatan sa kapolisan ug giduso na sa Barangay Lupon alang sa tukmang disposasiyon.