USA ang Koreano sa tulo ka mga nadakpan sa buybust operation nga gipahigayon sa Sitio Santo Niño sa Barangay Lahug, siyudad sa Sugbo niadtong Biyernes sa hapon sa sa operasyon gipangulohan ni PCInsp. Clark Suarez Arriola.
Ang Koreano giila nga si Kyong Don Kim, 45, minyo. Lakip sa mga nasikop mao silang Clinton Go, alyas “Chico”, 29, ulitawo ug si Josephine Quirante alyas “Ipin”, 37, minyo.
Sigon sa taho sa kapulisan, nagpahigayon sila og buy- bust operation sa maong lugar aron pagbitik ni Go ug Quirante. Nasikop nila ang duha atol sa operasyon ug nakuhaan ug mga pito ka gagmayng pakiti sa shabu, duha ka medium -sized nga pakiting shabu ug P450 buy-bust money.
Samtang, gisikop sa kapulisan si Go ug Quirante, namat-an sab ug gisikop ang Koreano nga si Kim nga padung mag-pot-session.
Ang koreano nakuhaan ug usa ka gamayng pakiti ug usa ka medium-sized nga pakiting shabu.
Ang nasakmit nga drugas operasyon nikabat og P200 mil. (Kate F. Denolang STC-Intern)